Enyimba FC yo muri Nigeria yanyagiye ikipe ya Rayon Sports yo mu Rwanda ibitego bitanu kuri kimwe mu mukino wo kwishyura muri ¼ cya CAF Confederations Cup, bituma urugendo rwa Rayon Sports muri aya marushanwa rurangirira hano.
Umukino ubanza wabereye kuri Stade Regional ya Kigali kuwa 16 Nzeri wari warangiye ari ubusa ku busa, Rayon Sports yari yagiye muri Nigeria isabwa kunganya ku bitego cyangwa igatsinda, mu mukino wabereye kuri Enyimba International Stadium kuri uyu wa 23 Nzeri 2018, gusa iyi kipe ya Rayon Sports ntibyayihiriye kuko ku munota wa 12 gusa Soporushi Augustine Dimgba ukinira Enyimba yari amaze gufungura amazamu.
Ntibyatinze ku munota wa 25, Caleb Bimenyimana yishyurira igitego Rayon Sports biba 1 kuri 1. Amahirwe y’ikipe kipe ya Rayon Sports ntiyamaze kuko nyuma y’iminota ine gusa Ikouwem Udo yahise atsinda igiteko cya kabiri cya Enyimba, igice cya kabiri kirangira ari ibitego 2 bya Enyimba FC kuri 1 cya Rayon Sports.
Ku munota wa 48 Sunday Adetunji atsinda igitego cya gatatu cya Enyimba ari nabwo igice cya kabiri cyari kigitangira, ku munota wa 63 haba hinjiyemo icya kane, naho ku munota wa 82 Isiaka Oladuntoye atsinda igitego cya gatanu cyikaba ari nacyo cyabaye icya nyuma muri uyu mukino.
Biteganyijwe ko muri ½ cya Confederations Cup Enyimba FC izacakirana n’ikipe izatsinda hagati ya Cara Brazaville yo muri Congo Brazaville na Raja Club Athletic yo muri Maroc.
NIYONZIMA Theogene
